الجمعة، 11 يوليو 2008

ما الجامعة الا غرفة نوم كبيرة


اعلن اساتذة المواشي بسوق العبور وتجار الجامعات المصرية ومومياوات المراكز البحثية ظهور حالة غريبة من انعدام الادراك اللاشعورى الناتج عن التهاب كابل الداتا لدى الشعب المصري واطلقوا عليه تربنة الدماغ او تهييس النظام فى العظام.

يعني الواحد يكون داخل الحمام يلاقى نفسه فى نص الشارع ولا البنت تكون داخلة اوضة النوم تلاقى نفسها فى قلب الجامعة .. ولا تكون رايح القاهرة تلاقى نفسك فى حلوان .. حالة من التربنة الدماغية الفظيعة
(اللهم احفظنا)

وأمثلة على هذه الحالة الفريدة من نوعها ان الشاب مثلا يكون داخل الحمام (عادى زي الناس) وعلى حين غفلة من امره تلعب التربنه الدماغية لعبتها فيكتشف انه مش فى الحمام وانه فى قارعة الطريق .. فيصاب بصدمه تدخله فى حالة من الغيبوبة اللاشعورية تجعله يخرج هائما على وجهه متسربعا .. ولان المسكين مالحقش يظبط البنطلون بسبب نوبة اللاوعي المفاجأة فتلاقى البنطلون ساقط منه ووسط البنطلون واقع فى ركبته من الخضة وحاجات مشجرة وكاروه بتعلن عن نفسها بتحدي أوه .. أوه ولا سمنة روابي .. وبدلا من ان ينبهه احد زملائه لفضيحة الكاروه المشجر الا انهم يظنوها موضة ويتسابق الجميع فى التقليد الاعمى.

ولم يتوقف الوباء على الفتيان فقط الا ان الفتيات ايضا اصابهن الداء اللعين .. الذي انتشر فيهن انتشار الوورم فى هارد مية وستين .. فنجد الفتاة بملابس النوم فى الشارع و بالحجاب وهى بتغسل الصحون بفيري قاهر الدهون .. فالبنت المسكينة تلبس اللانجيري ذو الالوان البراقة احمر .. اخضر .. اصفر .. ينفع في شتا او صيف .. هو ايه ؟! .. اللانجيري طبعا .. ماهي في البيت ولانها حشمة ومحترمة فترتدي بودي أبلة كارينا الله يعمر بيتها وبنتاكور ليكرا ماركة الحاجة مفتقة الملزقة تحت اللانجيري او الديكولتيه وده موضة عصر الدينازور العريان بتوصيات من ابلة امينة لبـَاية ملكة جمال الصومال وزيمبابوى فى عام المجاعة الكبري .. ولو محجبة ومحتشمة تديها بنطلون الاسطى جينز على نفس قميص النوم سالف الذكر .... وبعدين تدي وشها تعفيرة بودرة تلك خمس خمسات معتبرة تبقى ولا بياض التلج .. على لطشتين روج اجو .. على خطين أي لاينر .. وشويتين مسخرة علي شويتين سنفرة تبقى ولا اجدعها بلياتشو .. ثم تدخل اوضة النوم فتحدث حالة التربنة الدماغية سالفة الذكر فتجد نفسها في الجامعة .. فينبهر المارة ويقولوا واو فنتاستيك وبدلا من ان تنبهها احدى زميلاتها بانها فى الشارع مش فى اوضة النوم .. يـُعجبن بالفكرة ويقلدنها .. واهى ديه الموضة يا ماما .. الا صحيح هي فين الماما ؟!
___
وصدق الشاعر القائل حين قال :


ما الجامعة الا غرفة نوم كبيرة

في دولابها بنطلون احواله غريبة

شوية واقع غرقان فى مارينا
-----
وشوية لازق يتلبس بصابونة

وفيها الديكولتيه موضة و تقليعة

و البودى والبنتاكور ستر وقيمة

وربنا يخليلنا أبلة كارينا

كاسية بناتنا وساترة عاهتنا

ومش عايزهم يتجوزوا عـُرفى يا افندينا؟!

ملحوظة : أعتذر عن الالفاظ الغير لائقة بالبوست .. لكن لم اجد بقاموسي كلمات لائقة تصف المناظر الغير لائقة التى نراها بالجامعات .. و أعتذر عن عدم وضع صورة للبوست .. لانها كانت هتبقى صورة غير لائقة برضو .. واطلق لخيالك الجامح العنان لتتخيل الصورة اللائقة .

هناك 47 تعليقًا:

blue-wave يقول...

حلوة الفكرة
بس الألفاظ صعبه شويه:))
عموما تحياتى بجد

ka2en Makboot يقول...

اممممم
انا معاك ان الفاظ صعبة بس مش لاقية لا صورة لائقة ولا الفاظ لائقة توصف المناظر الغير لائقة اللي بنشوفها فى الجامعة ؟!

اعمل ايه لو عندك الفاظ بديلة لائقة دلنى عليها بجد .. انا محرجة من البوست بس اعمل ايه ؟!

mohamed يقول...

على فكرة الأفلاظ عادية خالص لأننا بنسمع الكلام ده كل يوم لما نحطو في موضوع بجد بأه كلام صعب.الموضوع جاااااااااااااامد بجد

يــوم جــديد يقول...

ما انت معذورة هتعبري ازاي عن المناظر دي بألفاظ لائقة يعني
إلا بقى لو خليتي البوست على طريقة (أكمل) :
وتلبس الفتاة ال......... وتضع ال........ فتجد نفسها في ال......... ولا تعرف أنها نسيت..........

أنا بس اللي عايزة أعرفه حاجة واحدة بس
ازاي تحت أي بند من البنود أو لأي سبب من الأسباب في أم ممكن تسيب بنتها تنزل بالمنظر ده بتبقى وجهة نظرها ايه تحديدا يعني

فارس بلا جواد يقول...

مس سوسه
بوست طبعا جميل كالعاده
بس صراحه الفاظه صعبه شويه


تحياتى

ka2en Makboot يقول...

mohamed
ربنا يكرمك يارب طمنتني انا كنت هحذف البوست .. بس بجد ملاقتش الفاظ محافظة علشان اعبر عن سلوكيات غير محافظة

=====
يوم جديد

هههههه حلوة اوى فكرة اكمل الفراغات الخالية ديه .. بس لما احنا مكسوفين نتكمل فى الموضوع ده امال اللي بيلبسوا كدا مش بيتكسفوا من هدومهم ليه ؟!

موضوع الامهات مش قادرة احكم فيه بجد ولا اعرف وجهة نظرهم ايه بس ممكن نبقى نعمل لقاء مع ام ونشوف دماغهم ماشية ازاي

ميرسي جدا على مروركم وتعليقاتكم الجميلة بجد

ka2en Makboot يقول...

فارس بلا جواد

انا اعتذرت فى التعليقات ومعتذرة فى البوست قبل مااشوف ردة فعلكم

بس يعني البديل اننا نسكت خالص مانتكلمش فى الموضوع ده لانه مفيش كلمات لائقة هتقدر تعبر عنه صح

فارس بلا جواد يقول...

مقصدتش طبعا
انا قصدت ان الفكره كويس
بس صراحه فى احيانا لما بنكون عيزين نتكلم فى حاجه
بيكون فى الفاظ بتدل على الموضوع بس منخش فى الفاظ كده

كلامى ده مش نقد ولا حاجه لا طبعا دى نصيحه من اخى اصغر يعنى

واسف لو اسلوبى زعلك

ka2en Makboot يقول...

اخى العزيز فارس بلا جواد

سواء كلامك نقد او نصيحة انا متقبلاهم بصدر رحب .. وربنا يجزيك خير .. وانا شخصيا شايفة ان الالفاظ صعبة بس بجد حاولت الاقى بدائل معرفتش .. هو خلاص اتكتب كدا

بس هراعي نصايحكم وملحوظاتكم فى الجاي ان شاء الله

Moustafa` يقول...

حلو البوست جدا
بدأ أتذوق بوستاتك بنكهه ممتعه
---
أحلي حاجه انو متوظف ف قيم رائعه
أدب ساخر على مستوي
مستني جديدك

semsem يقول...

لا بجد
موضوع صح الصح
احيييييييييييييييييييك واللهى
ومينفعش غير اللى انت قولته
لان بجد انت عندك حق
واللهى عندك حق
ربنا يهدي شباب المسلمين
بس بوست حلو
وانت بتكتب حلو اوى
:))))))))))))))

maha zein يقول...

بجد ايه ده
طلقة
اكثر من رائعة
دمك شربات
يعني بمجرد ما قريت البوست ده علطول عوزة اعلق عشان ادخل علي الباقى بجد سوبر واو
وسيبك وربنا كنتي جامدة وجبتي من الاخر

هــــــــــــايدي يقول...

بجد انا اول مره اشوف مدونتك
انت اكتر من رائعه انا اعترف اول ما شوفت العنوان انتقده كتير بس الموضوع
هاااااااااااااااااااااااااااااااااايل
والله العظيم بجد احييك

Mahmoud البطراوى يقول...

دى اول تعليق لى هنا
البوست فوق الروعه بجد

ههههههههههههههه

يعنى طلعت وباء وماشى فى البلد وانا الى كنت ظالمهم سبحان الله ربنا يغفرلى بقى

بس فاضل سؤال هى مثلا بتبقى بتتكلم مع اخوها وبيهرجوا عادى فتحصل التربنه فتقوم تلاقى اخوها ده واحد متعرفهوش ويقعدوا برضه يهرجوا على اساس انها فاكره انه اتسخط؟؟
سؤال يطرح نفسه


دمتى رائعه

كلبوشستان يقول...

يا معشر التماسيح من فضلكم كل واحد يرفع البنطلون ويداري على شمعته

عاجبكم الفضايح دي

كارو ومشجر الله يفضحكم
زي ما انتم موقفين سوق الرجاله كدا

كان ليا استفسار وحياتك يا ديجتال يختي

هو ايه الديكولتيه دا ؟؟ اصل بعمل

شوية ديكورات للشقه وقلت ليكون من الحاجات المدرن اللي بنسمع عنها

ولا بلاش لاحسن يكون حاجة غير لائقه وتقولوا عليا........... احمممم احمممم

فوتك بعافيه نمشي واحنا بصحتي افضل سلام

واحب اهدي الاغنيه للموكوسه حبيبتي واقولها انا لاعندي لا مشجر ولا كارو ولا الديكولتيه وحياتك عندي

Mohamed Dawod يقول...

بوست هادف وحلو وبصراحه أسلوب تناوله كمان راقى. لأن لما الواحد بيتكلم فى موضوع زى ده بيكون قدام معادله صعبه بس أنا فى رأيى انك حلتيها......بس معقول الدنيا وصلت فى جامعات مصر للحاله دى؟ الله يرحم أيام ما كنا فى الجامعه من عشر سنين بس كان البنات ياخدوا جنب فى المدرج والولاد فى جنب وياويله ويا ويلها البنت والولد اللى كانوا يقعدوا جنب بعض من نظرات زمايلهم.....ايه اللى حصل؟

rain man يقول...

المسألة راجعة لتردي الاوضاع في البلد
و بالمناسبة في الحالة القتصادية تسير من سىء لاسوء
فلا يجد الفتايات ما يرتدونه اثناء ذهابهم للجامعة الا ملابس اخواتهن الاصغر
اما اخواتهن الاصغر فليس مهما ان يرتدوا شيئا
..
تحياتي على اسم مدونتك و فكرتها

Unknown يقول...

والله الداخله بتاعت الموضوع جامده

بس ده اللى بيحصل وبنشوفه ونسمعه

دى أول مره أزور المدونة ومش هتكون الأخيره

مصطفى

مواطن مصرى نايم يقول...

ااااااااااااااااه
حطيتى ايدك على نقطة الموضوع
(على رأى اللمبى)
لو دخلتى عندى حتلاقى انى لسه متكلم على موضوع اللبس برضوا
فى فى اطار تانى
لانها حاجة تغيظ
بوست رائع
الله ينور
تحياتى
اسلام

رئـــــيسـة حزب الأحلام يقول...

ههههههههههههههههههههههه
هههههههههههههههههههه
ههههههههههههههههههههه
دة اللى حاصل

ليكوريكا يقول...

هههههههههه

لا بجد دمك زي الشربات انا برضو بيجنني موضوع ان واحده لبس مينفعش يتلبس خالص

وتلاقيها لابسه ايشارب ومغطيه راسها كلها

كتير كنت بسألأ نفسي السؤال ده

والرد من اللي حواليا انها شعرها وحش

تخيلي :)

ليكوريكا

Empress appy يقول...

مش عارفه اقول لكى ايه بجد بتبسط بتوع كتاباتك دى اكتر حاجه فى الدنيا يمكن مفروسه تقولك بجد سعيده بيك جدااااااااا وفاتحه بقى ولا نفي الشهيد احمد حمدي ههههههههههههههه
عاوزاكي تنزلى حاجات شهرزاد تستاهل القرايه صدقينى قوووووووووي بجد وتستاخل الدنيا كلها تشوفها بجد
يا ريت تفكري وميسوطه جدا بيكى يا فيكوني المائي فاكره انى كنت مسمياكي كده هههههههههههه

semsem يقول...

هههههههههههههههه
بس احنا فى الصيف يعنى مفيش جامعه
الحمد لله ان الواحد خلص
وفعلا عندك حق الموضوع بقا بزرميط على الاخر

hager يقول...

يمكن فعلااا الالفااظ مش اوووي
بس في رائيي انها معبره جداا وبتوصف الوااقع
في الاخر ربنا يرحمنا
وشكراا يا مس سوسا علي البوست الراائع ده
اقول مس سوسا برده ولا هنا حاجه تانيه
-_*
تقبلي مروري :D

انت تسال والكمبيوتر يجيب يقول...

نشكرك لمرورك على مدونة برنامجنا الأذاعى لسببين اولا للمرور فى حد ذاته وثانيا لأكتشافنا مدونه موهوبه ذات اسلوب جديد منعش ...نفكر كيف يمكن تقديم مثل هذا الكلام اذاعيا ...ليس سهلا بالطبع ولكن نفكر كيف يمكن ان نقدمه بشكل مبسط ...
البرنامج الأذاعى انت تسال والكمبيوتر يجيب اول برنامج اذاعى ان النت والمدونات فى الشرق الأوسط ...نرحب بك وبزوارك فى موقعنا ومدونتنا
http://dear.to/cairo
netonradio.blogspot.com
وياريت اى معلومات عنك على عنواننا
netonradio@yahoo.com
يهمنا ان تروى لنا دور النت فى حياتك لتفيدنا فى عمل حلقه عنك وهم مدونتك

غير معرف يقول...

هههههههههههههههه
الاسلوب الساخر بتاعك تحفة
بس خلاص تعبنا من الكلام ولا بيتأثروا

برضو تلاقيهم حاسيين اننا مش بنتكلم عنهم بسبب موضووع التربنة دا ربنا يرحمنا يااااااااااااارب
المدونة لذيذة جدا
متابعة ليكي إن شاء الله

KHALED يقول...

هههههههههههه
شقية المدونة ولذيذة

تقبلى تحياتى

maiosha يقول...

سلام عليكم
أنا لسه مقريتش البوست
أنا قولت أجى أبارك الأول على المدونة .. وبعدين أقرا وأعلق بمزاج

ألف ألف مبروك على المدونة اللى إن شاء الله هتبقى تحفة

maiosha يقول...

أنا جيت تانى

البوست زى العسل .. بجد بجد تحفة
بالنسبة للألفاظ والله دى أقل حاجة تتقال على الأوضاع اللى الواحد بيشوفها الأيام دى

مغلطوش فى ولا كلمة .. بوست رائع وكلام فى الصميم

عمرو الطاروطي يقول...

بعد فشل مفاوضات السلام على كوبري قليوب، لم يعد من بديل غير خوض تصفيات كأس العالم بدون ابو تريكة للمحافظة على لقب ملكة جمال راس البر
وبعد انتشار البدي والبرمودا قررت وزارة الصحة صرف جرهة زيت خروع لكل الشباب المصريين للحفاظ على البقية الباقية من رمق اوشك على الانتهاء بسبب الوضع الراهن
قل لي
هل انت من الناس اللي بتحب الـ
ام انت من الناس التانيين اللي بيحاولوا يحسسوا نفسهم انهم مش بيفكروا في الـ
جوود لاك

شهد الكلمات يقول...

بوست جامد جدا جدا بجد و اسلوبة ساخر و جميل
و اه لازم تكون في كلام جامد يمكن اللي ماعندهمش دم و بيلبسوا اللبس ده يحسوا و يتقوا ربنا شوية

تحياتي

دعوة للأمل يقول...

الف مبروك على المدونة الجديدة
و موضوع واقعى و بيحصل كتير فى الجامعة تحياتى

ka2en Makboot يقول...

S@g!
اشكر لك مرورك وبجد رأيك اسعدني
بس ادب ساخر حتة وحدة بصراحة ده مديح لا استحقه
فلازلت احبو في عالم سطر الكلمات

تحيــاتى كتيرر
-----

Semem

ربنا يكرمك يارب على كلماتك الطيبة المشجعة
دمتي بكل خير صحة وسعادة
----

Maha Zein
بجد انتى اللي طلقة وتعليقك صاروخ ارض جو كان هيطير عيني :)
دمتي متألقة يا صاحبة اخف دم فل عالم التدوين (مع الاعتذار لاشرف توفيق (

---

هايــــــدى

بجد انتى اللي هايلة وبنوتة زي العسل
والحمد لله اننا عدينا من مطب العنوان

ka2en Makboot يقول...

بطوط حبوب

بجد انت اللي رائع
وانت عارف ان بعض الظن اثم فانا قولت احسن الظن كفيانا ذنوب
والحمد لله انه طلع وبا بس مش زي اللي خد هنادي بتاعت دعاء الصرصار
وبخصوص سؤالك انا يوستوهيألى ان التربنة الدماغية لما بتلعب لعبتها
وديه انيل من لعبة هركليز وسيلك رود تقوم تشوف زميلها اختها وينزلوا تلطيش في بعض وده هزار البوابين بالظبط

------
كلبوشستان

منور يا كلابوش بس هي المحكمة لسه مافتحتش ليه .. ده انا عندي قواضي تكفيكم 10 سنين لادام
وبخصوص سؤالك اللاوذعى فالديكولتيه ده يااخوية يبقى نوع من الدهانات نزل بعد سكايب
بس الوانه فزززيعه شنيعه لسه مانزلتش السوق ولا ترى بالعين المجردة
واهدي لحبيبتك اغنية : حلو وكداب ليه صدقتك

-----
Mohamed dawed

انا سعيدة برأي حضرتك جدا .. وياريت بجد اكون نجحت فى حل المعادلة
لكن للاسف الزمن اختل جدا والسلوكيات والاخلاقيات في النازل بشكل مخيف
ربنا يستر
تحيــاتي كتيرر

ka2en Makboot يقول...

Rain main
هى وجهة نظر بجد ههههههه
وتردي الحالة المادية والاقتصادية يعمل اكتر من كدا بس ربنا يستر و مايعملهاش
وتحياتي كتيرر لرأيك الجميل والحمد لله ان المدونة عجبتك
---
Egyboy

نورتني بوجودك ويسعدنى استمرار تواجدك
وللاسف هو ده اللي حاصل وبيحصل

----
اسلام النايم

منور المدونة بجد
وحلو توارد الخواطر ده وطيران علي مدونتك اشوف تناولت الموضوع ازاي

----
رئيسة حزب الاحلام

يسعدني اني رسمت الضحكة الجميلة ديه
ربنا يديمها عليكي
---
ليكوريكا

انتى اللي زي العسل بجد
وموضوع الشعر ده ماافتيش فيه ان بعض الظن اثم
ههههه
واديكي شايفة بنحسن الظن في ايه

ka2en Makboot يقول...

آآبي بتنجاني عندنا يا مرحبا يا مرحبا نورك غطا ع الكهربا
بجد انا اللي سعيدة ومبسوطة جدا بتعليقك وفكى السفلي وقع فى الارض من الفرحة هههههه
بالنسبة لشرزاد من عونيه انت تؤمري بس شوية اكون جهزت بتاع 10 حلقات زخيرة علي شوية ديناميت تموين
وان شاء الله ابقى افجرها تاني علشان عويناتك الحلوين :)

تحياتي كتير كتيررررر
---
Semsem
والله الصيف ديه نيلة خلاص ربنا يرحمنا من بلاويه واللي بيجري فيه
واضم صوتي لصوتك في انه بقى بزرميط وقرنبيط وبتنجان مخلل كمان

---
Hager
لما يكون الواقع غير لائق هنجيب كلام لائق يوصفه ازاي
لازم نظهر بشاعته للاخر علشان يعرف انه منبوذ وبيعمل فعل غير لائق
وتأييدكم كلكم يدل على رفضكم للظاهرة ديه يبقى من حقنا نطهر مجتمعنا منها لان الاشكال ديه بتاذى نظرنا
وناديني شوشة اهو تغير هههههههههه

ka2en Makboot يقول...

للاستاذ صلاح حجازى والرائعة عبير صبري وكل العاملين في برنامج (ان تسال والكمبيوتر يجيب) من وراء الستار لكم كل تحية واحترام وتقدير وسعيدة جدا بوصفكم للمدونة وان شاء الله نكون عند حسن ظنكم
وان شاء الله نكون على تواصل واقولك دور النت في حياتي الكريمة :)

تحيــاتى
---
Ansana
ههههههههههه حطيتي ايدك علي كبد الموضوع
هو التربنة ديه اللي بتخليهم مايشوفوش ولو شافوا مايفهموش ندائتنا بالعودة الي ديار الوطن
لكن انتى عارفة التربنة وحشة وربنا يبعدها عنا

تحيـــاتى ليكي :)

---
Khaled Farag
منور يا فندم وماقولتلناش رايك في الديكور بوصفك فنان مبدع
عموما مستنظرينه
ســـلام

---
Maiosha
ربنا يبارك فيكي يارب .. عقبال ما نباركلك علي المليون دولار :)
والحمد لله ان البوست عجبك

تحياتي كتيررر كتيرررر

ka2en Makboot يقول...

عمرو الطاروطي

هو الصراحة تعليقك حيرني ومافهمتش منه كلمة وبالتالي ماعرفتش ارد على سؤالك ولا اعلق عليه

ومن هنا ارد السؤال لحضرتك

"هل انت من الناس اللي بتحب الـ
ام انت من الناس التانيين اللي بيحاولوا يحسسوا نفسهم انهم مش بيفكروا في الـ"

لان حضرتك ادرى بالـ
و اهل مكة ادرى بشعابها زي ما صاحب السؤال ادرى بأجابته

وجاري تبليغك بالتعليق

---
شهد الكلمات

بجد انتى شخصية جميلة جدا وكلماتك جامدة جدا .. يارب بجد كلماتنا تلقى صدى عند حد

---
دعوة للامل

الله يبارك فيكي يارب
وربنا يهدي الناس جميعا يارب

ســـــــــلام

دعاء مواجهات يقول...

اولا تصفيق حاااااد آخر حاجة

ع البوست الجميل والجامد دة

اة بجد والللهى نفسى ف واحد زية على ابواب ومداخل ومخارج وكمائن جميع الجامعات المصرية وعلى النواصى المصرية بردو

وعلى حوائط المترو طبعا المصرية

بجد والله جبت م الآااخر

تحياتى الجامدة

منتظراك عندى

سلااام

دعاء مواجهات يقول...

آة نسيت اقول حاجة

ع فكرة انا اول ما شوفت لاعنهوان ضحكت اوى

افتكرتك هتتكلم عن الطلبة اللى بيناموا ف المحاضرات وانا كنت عميدة ليهم بصرااحة

مدونتك فعلا متميزة

وبردوو منظرااك

سلااام

kochia يقول...

ازاي اول مرة ادخل المدونة دي
هي صحيح لسة صغيرة سنا
بس شكلها ولدت عملاقة
ايه الكلام الجامد ده

اتتاري المشكلة كلها في تربنةالدماغ
طيب دول طلعوا مرضي
الله يشفيهم
بس بجد عندك حق
ندرس طريقة العلاج بقي ولا نعملهم حجر في المكان والزمان

تحياتي

زى الهوا يقول...

بوست رائع , بالنسبة للجامعة ففعلا بقت لا تطاق انا اول لما اتخرجت كنت زعلانة اوى , وكنت حسانى وانا فى الشغل مع ناس مش من جيلى , او مش استايلى , بس عملت زيارة واحدة للجامعة ومن يومها وانا حسيت انى فعلا فى نعمة, انا بقيت ماشية كأنى انا الوحيدة المصرية وماشية فى وسط امريكان , امريكان فى اللبس والتقاليع الفارغة بس , اشكال غريبة البنات عاملينها فى شكلهم وقاعدين قاعدات غريبة جدا , انا اخجل انى اقعدها فى بيتى وسط اخواتى , البنت تبقى مفرودة كأنها شوية وهتنام وتغمض عنيها , والبنطلون الجينز مايتفرقيهوش عن جسمها , انا بقيت ماشية مذبهلة ومبرقة , وعرفت انى اخطأت لما قولت إن دا عالمى

ساسو يقول...

انا مبسوطه اني دخلت مدونتك رغم اني دخلتها بالصدفه
وبجد البوست اكثر من رائع وعنك حق في كل كلمه فعلا لبس البنات فظيع المشكله ان اكترهم محدش بيلفت نظرهم
تلاقي البنات لبسين زي الخدمات بتوع زمان كانت الخدامه زمان تلبس تحت قميص البيت بنطلون وتلف شعرها بالقرطه
,,,,,,,,ربنا يهديهم

اما بقه الولاد فحنا خيفين عليهم ياخدو برد في وصتهم فياريت يبقو يرفعو البطلون

من غير عنـــوان يقول...

أولا أنا جديد في موضوع البلوج
بس أنا مبسوط من طريقة كلامك الديجيتال دي
... قريت شويه من كلامك وحأرجع أكمل اني إن شاء الله...
ربنا يوفقك

محمد البنا

من غير عنـــوان يقول...

لقيت الصورة دي مناسبة للقصيده
http://www.new.facebook.com/photo.php?pid=1800010&l=4879b&id=609555900

قلت أبعتها لك

من غير عنـــوان يقول...

لقيت الصورة دي مناسبة للقصيده
http://www.new.facebook.com/photo.php?pid=1800010&l=4879b&id=609555900

قلت أبعتها لك

من غير عنـــوان يقول...

فتاة منتصف الليل... قصة سهلة وبسيطة وأظنها تقع فى معظم البيوت للأسف..
غلطة برتكبها الأبنا ( بمشاركة الأهالي)
الممنوع مرغوب
والحربة المبنية على الثقة صعبه في زمن أصبح فيه المتاح كتيـــــــر والتعليم قليـــــــل ... وأقصد بالتعليم أشياء كثيرة غير المدرسة

مستقبلك بالكتابة أظنه رائع
أكملي